भलिबलका पूर्व कप्तान शाह डीएसपीमा बढुवा

काठमाडौं । नेपाली राष्ट्रिय पुरुष भलिबल टिमका पूर्व कप्तान भरत बहादुर शाह नेपाल प्रहरीको प्रहरी नायव उपरीक्षक (डीएसपी) मा बढुवा भएका छन् ।

नेपाल भलिबल संघले पूर्व कप्तान शाह डीएसपीमा बढुवा भएको जनाएको छ ।

अछामको रिडिकोटमा जन्मिएका शाहले २०५२ सालमा भारतमा भएको सातौं दक्षिण एसियाली खेलकुदबाट राष्ट्रिय टिममा डेब्यु गरेका थिए । 

यस्तै उनी २०५६ सालमा राष्ट्रिय टिमको कप्तान चयन भएका थिए ।

भलिबल संघका सदस्य समेत रहेका शाह अहिले नेपाल पुलिस क्लबको व्यवस्थापकको रुपमा काम गरिरहेका छन् ।