कर्णालीका चार जिल्लालाई क्यानको सदस्यता

काठमाडौं । नेपाल क्रिकेट संघ (क्यान) ले कर्णाली प्रदेशका चार जिल्लालाई सदस्यता प्रदान गरेको छ ।

बिहीबार बसेको क्यानको बोर्ड बैठकले चार जिल्लालाई सदस्यता प्रदान गर्ने निर्णय गरेको हो ।

क्यानले कर्णालीका कालिकोट,सल्यान, दैलेख र रुकुम पश्चिमलाई सदस्यता प्रदान गरेको हो ।

क्यानको विधान अनुसार कर्णाली प्रदेश मातहतमा कम्तिमा ४ जिल्ला हुनु पर्ने वैधानिक व्यवस्था रहेको कारण चार जिल्लालाई सदस्यता प्रदान गरिएको संघले जनाएको छ ।