क्यानले गर्यो भारतीय कम्पनीसँगको सम्झौता रद्द

काठमाडौं । नेपाल क्रिकेट संघ (क्यान) ले भारतीय कम्पनी सेभेन थ्री स्पोर्ट्ससँगको सम्झौता रद्द गरेको छ ।

क्यानको बिहीबार सकिएको बोर्ड बैठकले दिल्लीको कम्पनी सेभेन थ्री सँगको सम्झौता रद्द गर्ने निर्णय गरेको हो ।

क्यानले नेपाल टी-ट्वान्टी लिग आयोजनाका लागि भारतीय कम्पनीसँग सम्झौता गरेको थियो ।

तर, नेपाल सरकारले अनुमति नदिएपछि क्यानले सम्झौता रद्द गर्ने निर्णय गरेको हो ।

क्यानले उक्त कम्पनीले सरकारको अनुमति पूर्व गर्नु पर्ने सम्झौताका कार्यहरु गर्न नसकेको समेत जनाएको छ।