विश्वकप : स्वीडेन र दक्षिण कोरियाबीच खेल सुरु

एजेन्सी । रुसमा जारी फिफा विश्वकप फुटबलमा  'एफ' अन्तर्गत युरोपियन राष्ट्र स्वीडेन र एसियाली राष्ट्र दक्षिण कोरियाबीचको खेल सुरु भएको छ ।

नोवगोरोड़ स्टेडियममा दुवै टोली जित निकाल्ने लक्ष्यसहित मैदान उत्रिएका छन् । यो समूहमा मेक्सिकोले जर्मनीलाई १ - ० ले हराएर विजय सुरुवात गरिसकेको छ ।

विश्वकप छनोटको प्ले अफमा इटालीलाई पाखा लगाएको स्वीडेन निकै आत्मविश्वासी हुनेछ । स्वीडेनसँग युरोपको लिगमा खेलेका खेलाडीको बाहुल्यता छ ।

दक्षिण कोरिया पनि बलियो स्वीडेनविरुद्ध उत्कृष्ट प्रदर्शन गर्ने लक्ष्यमा हुनेछ । दक्षिण कोरियासँग युरोप र एसियन लिगमा अब्बल खेलाडीको साथ रहने छ ।