काठमाडौं। जिम्बावेविरुद्धको पहिलो टी-ट्वान्टी क्रिकेटमा स्कटल्याण्डले रोमान्चक जित निकालेको छ।
बुधबार राति भएको खेलमा स्कटल्याण्डले जिम्बावेमाथि ७ रनको जित निकालेको हो ।
स्कटल्याण्डले दिएको १ सय ४२ रनको लक्ष्यसहित जवाफी ब्याटिङ गरेको जिम्बावेले २० ओभरमा ९ विकेट गुमाएर १ सय ३४ रन मात्र बनाउन सक्यो ।
जिम्बावेका लागि मिल्टन शुम्बाले सर्वाधिक ४५ रन बनाए । सिन विलियम्सले २८ रन जोड्दा कप्तान क्रेग इर्भिनले २६ रन जोडे ।
स्कटल्याण्डका सफ्यान शरिफले ४ विकेट लिए ।
यस अघि पहिले ब्याटिङ गरेको स्कटल्याण्डले २० ओभरमा ६ विकेट गुमाएर १ सय ४१ रन जोडेको थियो ।
स्कटल्याण्डका लागि रिची बेरिङटनले अविजित रहदै ८२ रनको अर्धशतकीय इनिङ्स खेले । म्याथ्यु क्रसले १४ रन बनाए ।
जिम्बावेका टेण्दाइ चतरा र लुक जङ्वीले २/२ विकेट लिए ।
यस जितसँगै स्कटल्याण्डले ३ खेलको सिरिजमा १-० को अग्रता बनाएको छ ।
