काठमाडौं । एभरेष्ट प्रिमियर लिग (ईपीएल) टी-ट्वान्टी क्रिकेटको फ्रेन्चाईज टिम पोखरा राइनोजले नयाँ लोगो र जर्सी सार्वजनिक गरेको छ ।
पोखराले बुधबार परिवर्तित नयाँ लोगो र जर्सी सार्वजनिक गरेको हो । पोखराले चौंथो संस्करणको ईपीएलमा नयाँ लोगो अंकित जर्सी प्रयोग गर्नेछ ।
पोखराले सार्वजनिक गरेको नयाँ लोगोमा जितको प्रतीक सुन्तला रङ्ग थप्दै गैंडाको टाउको देखाइएको छ भने माछापुच्छ्रे हिमाल मुनि ब्याट्सम्यानले बल प्रहार गरेको पनि लोगोमा झल्काइएको छ ।
यस्तै राइनोजको नयाँ जर्सीमा पनि पोखराको प्रतीक झल्कने माछापुच्छ्रे हिमाल राखेको छ । जर्सीको प्रायोजन सेभेन–अ ब्राण्ड वाई एम.एस धोनीले गरेको छ ।
चौंथो संस्करणको ईपीएल क्रिकेट असोज ९ गतेदेखि असोज २३ गतेसम्म टियु क्रिकेट मैदानमा हुनेछ ।
पोखराले चौथो संस्करणको उपाधि जित्ने लक्ष्य रहेको समेत जनाएको छ ।
