काठमाडौं । आईसीसी विश्वकप क्रिकेट लिग–२ अन्तर्गत नेपालले पहिलो खेलमा अहिले अमेरिकासँग प्रतिस्पर्धा गरिरहेको छ ।
ओमानको अल अमिरात क्रिकेट मैदानमा अमेरिकाले दिएको २ सय ३१ रनको लक्ष्यसहित नेपालले जवाफी ब्याटिङ गरिरहेको छ।
अमेरिकाविरुद्ध जवाफी ब्याटिङ गरिरहेको नेपालका ओपनर कुशल भुर्तेलले अर्धशतक पूरा गरेका छन् ।
कुशलले ६७ बलमा ५० रन पूरा गरेका हुन् । उनले अर्धशतक पूरा गर्न २ चौका र १ छक्का प्रहार गरे ।
एकदिवसीय अन्तराष्ट्रियमा कुशलको यो पहिलो अर्धशतक हो ।
कुशलको अर्धशतकसँगै नेपालले २ विकेट गुमाएर ९४ रन जोडेको छ ।
