दक्षिण अफ्रीकालाई सिरिज

काठमाडौं । दक्षिण अफ्रीकाले घरेलु टिम श्रीलंकाविरुद्धको तीन खेलको टी-ट्वान्टी अन्तराष्ट्रिय सिरिज जितेको छ  ।

कोलम्बोमा आइतबार राति भएको दोस्रो खेलमा श्रीलंकालाई ९ विकेटले हराउँदै दक्षिण अफ्रीकाले एक खेल अगाबै सिरिज जितेको हो ।

श्रीलंकाले दिएको १ सय ४ रनको लक्ष्य दक्षिण अफ्रीकाले १४ ओभर १ बलमा मात्र एक विकेट गुमाएर पूरा गर्यो ।

दक्षिण अफ्रीकाका लागि क्विनटन डी ककले अविजित रहदै ५८ रनको अर्धशतकीय इनिङ्स खेले ।

एडिन मार्क्रमले अविजित २१ रन जोड्दा रिजा हेन्ड्रिक्सले १८ रन बनाए ।

श्रीलंकाका वाविन्दु हसरंगाले १ विकेट लिए ।

यस अघि पहिले ब्याटिङ गरेको श्रीलंकाले १८ ओभर १ बलमा अलआउट हुँदै १ सय ३ रन बनाएको थियो।

श्रीलंकाका कुशल परेराले सर्वाधिक ३० रन जोड्दा भानुका राजपाक्षेले २० रन बनाए।

कप्तान दासुन शनकाले १० र चारिथ असलंकाले १४ रन बनाए।

दक्षिण अफ्रीकाका एडिन मार्क्रम र ताब्रेज शाम्सीले ३/३ विकेट लिए ।