काठमाडौं । घरेलु टिम बंगलादेशविरुद्धको पाँचौं तथा अन्तिम टी-ट्वान्टी क्रिकेटमा न्युजिल्याण्डले जित निकालेको छ ।
ढाकामा शुक्रबार भएको पाँचौं टी-ट्वान्टीमा न्युजिल्याण्डले बंगलादेशलाई २७ रनले हराएको हो ।
अन्तिम खेलमा जित निकालेपनि न्युजिल्याण्डले पाँच खेलको सिरिज ३-२ ले गुमाएको छ । बंगलादेशले पहिलो पटक न्युजिल्याण्डविरुद्धको टी-ट्वान्टी अन्तराष्ट्रिय सिरिज जितेको हो ।
न्युजिल्याण्डले दिएको १ सय ६२ रनको लक्ष्यसहित ब्याटिङ गरेको बंगलादेशले २० ओभरमा ८ विकेट गुमाएर १ सय ३४ रन मात्र बनाउन सक्यो ।
बंगलादेशका लागि अफिफ होसेनले अविजित ४९ रन बनाए । मोहमद नाइम र कप्तान ममुद उल्लाहले समान २३/२३ रन जोडे ।
न्युजिल्याण्डका अजाज पलेट र स्कटले २/२ विकेट लिए ।
यस अघि पहिले ब्याटिङ गरेको न्युजिल्याण्डले २० ओभरमा ५ विकेट गुमाएर १ सय ६१ रन बनाएको थियो ।
न्युजिल्याण्डका लागि कप्तान टम लाथमले अविजित ५० रनको अर्धशतकीय इनिङ्स खेले । यस्तै फिन एलनले ४१ रन जोड्दा हेनरी निकोल्सले २० रन बनाए ।
बंगलादेशका शोरिफुल इस्लामले २ विकेट लिए ।
