काठमाडौं । आईसीसी टी-ट्वान्टी विश्वकप क्रिकेटका लागि वेस्ट इन्डिजले टिम घोषणा गरेको छ ।
साविक विजेता वेस्ट इन्डिजले केइरन पोलार्डको कप्तानीमा बिहीबार टिम घोषणा गरेको हो ।
वेस्ट इन्डिजको टिममा रबि रामपालले पुनरागमन गरेका छन् ।
उनी २०१५ पछि पहिलो पटक टिममा परेका हुन् ।
तर, कार्लोस ब्रेथवेट टिममा अटाएका छैनन् ।
युएई र ओमानमा आयोजना हुने विश्वकप अक्टोबर १७ बाट नोभेम्बर १४ सम्म हुनेछ ।
विश्वकपमा वेस्ट इन्डिज समूह ए मा रहेको छ ।
यस समूहमा इंग्ल्यान्ड, दक्षिण अफ्रीका, अष्ट्रेलिया समेत रहेको छ ।
