चौंथो टेस्टमा भारत विजयी

काठमाडौं । घरेलु टिम इंग्ल्यान्डविरुद्धको चौंथो टेस्टमा भारत विजयी भएको छ ।

द ओभलमा सोमबार भारतले इंग्ल्यान्डलाई १ सय ५७ रनले हराएको हो ।

यस जितसँगै भारतले पाँच खेलको सिरिजमा २-१ को अग्रता बनाएको छ ।

दुई टिमबीचको अन्तिम टेस्ट शुक्रबार सुरु हुनेछ ।

पहिलो इनिङ्समा भारत १ सय ९१ रन जोड्दा अलआउट भएको थियो ।

तर, दोस्रो इनिङ्समा भारतले ४ सय ६६ रन जोडेपछि इंग्ल्यान्डले ३ सय ६८ रनको बलियो लक्ष्य पाएको थियो ।

दोस्रो इनिङ्समा भारतका रोहित शर्माले १ सय २७ रनको शतकीय इनिङ्स खेले ।

जवाफमा इंग्ल्यान्डले दोस्रो इनिङ्समा २ सय १० रन मात्र बनाउन सक्यो ।

इंग्ल्यान्डले पहिलो इनिङ्समा २ सय ९० रन जोडेको थियो ।

भारतले द ओभलमा ४७ वर्षपछि पहिलो जित निकालेको हो ।

यस अघि भारतले सन् १९७२ मा जित निकालेको थियो ।