काठमाडौं । नेपाल बास्केटबल संघले भिम सिंह गुरुङलाई कार्यवाहक अध्यक्षमा नियुक्त गरेको छ।
मंगलबार बसेको संघको कार्यसमितिको बैठकले गुरुङलाई कार्यवाहकको जिम्मेवारी दिएको हो ।
कार्यवाहक अध्यक्ष गुरुङ संघको उपाध्यक्ष समेत हुन्।
संघका अध्यक्ष लामा टेण्डी शेर्पा लामो समयबाट अस्वस्थ रहेका छन्। शेर्पाकै प्रस्तावमा गुरुङलाई कार्यवाहकको जिम्मेवारी दिईएको संघका महासचिव नरेन्द्र थापाले जानकारी दिए।
'अध्यक्ष ज्यु लामो समयबाट अस्वस्थ हुनुहुन्छ। उहाँकै आग्रहमा कार्यसमितिको बैठकले भिम सिंह गुरुङलाई कार्यवाहक दिएका हौँ,'महासचिव थापाले खेलपाटीसँग भने।
अध्यक्ष शेर्पा पछिल्लो तीन वर्षबाट नशा सम्बन्धीको रोगबाट पीडित रहेका छन्। उनको उपचार भईरहेको छ।
शेर्पा अध्यक्ष रहेको कार्यसमितिको ४ वर्षे कार्यकाल गत कात्तिकमै सकिएको थियो ।
तर, राष्ट्रिय खेलकुद विकास ऐन र कोरोना महामारीको कारण नयाँ नेतृत्व चयनका लागि निर्वाचन हुन नसकेको महासचिव थापाले जानकारी दिए ।
महासचिव थापाले बास्केटबललाई नियमित रुपमा अघि बढाउन र प्रतियोगिताहरु संचालन गर्ने बिषयमा छलफल भएको समेत बताए ।
-1732590134.webp)
