महिला बास्केटबलमा अमेरिकालाई कीर्तिमानी स्वर्ण

काठमाडौं । टोकियो ओलम्पिक अन्तर्गत महिला बास्केटबलतर्फको स्वर्ण पदक अमेरिकाले जितेको छ ।

साईटामा सुपर एरिनामा आइतबार जापानलाई पराजित गर्दै अमेरिकाले स्वर्ण पदक जितेको हो । स्वर्ण पदक जित्ने क्रममा अमेरिकाले जापानमाथि ९०-७५ अंकको जित निकाल्यो ।

पहिलो क्वार्टरमा अमेरिकाले २३-१४ को अग्रता बनाएको थियो । दोस्रो क्वार्टरमा २७-२५, तेस्रोमा २५-१७ ले अग्रता बनाएको अमेरिका अन्तिम क्वार्टरमा भने १५-१९ ले पछि परेको थियो ।

यससँगै अमेरिकाले ओलम्पिकको महिला बास्केटबलमा कीर्तिमानी लगातार सातौं पटक स्वर्ण पदक जितेको छ ।

सन् १९९२ को ओलम्पिकपछि अमेरिकाले लगातार स्वर्ण पदक जित्दै आईरहेको छ ।

अमेरिकाको महिला टिमले यस अघि पुरुष टिमले बनाएको लगातार सातौं पटक स्वर्ण जित्ने कीर्तिमानसँग बराबरी समेत गरेको छ  ।

यस अघि अमेरिकाको पुरुष टिमले सन् १९३६ देखि १९६८ को ओलम्पिकसम्म लगातार स्वर्ण पटक जितेर कीर्तिमान बनाएको थियो ।