युथ ओलम्पिकमा तीन खेलाडीले प्रतिस्पर्धा गर्ने

काठमाडौं । अर्जेन्टिनामा आयोजना हुने युथ ओलम्पिक खेलकुदमा नेपालबाट तीन खेलाडीले प्रतिस्पर्धा गर्ने भएका छन् । नेपालबाट एथ्लेटिक्स, जुडो र ब्याडमिन्टनबाट एक एक खेलाडीले प्रतिस्पर्धा गर्ने छन् ।

एथलेटिक्सबाट लुजहला अमात्यले २०० मिटरमा प्रतिस्पर्धा गर्नेछन् । यस्तै जुडोको ४४ केजीमुनी सोनिया भट्टले प्रतिस्पर्धा गर्दा ब्याडमिन्टनका रुकेस महर्जनले पुरुष एकलमा प्रतिस्पर्धा गर्ने छन् । 

नेपाली टोलीको एथलेटिक्स प्रशिक्षकमा बिमला जोशी, जुडोमा बिजय कुमार गुरुङ र ब्याडमिन्टनमा किरण थापा अर्जेन्टिना जानेछन् ।

युथ ओलम्पिक अक्टोबर ६ देखि १८ सम्म आयोजना हुनेछ । नेपालका तीनै खेलाडी वाइल्ड कार्डको सहायताले प्रतिस्पर्धा गर्न लागेका हुन् ।

नेपाली टोलीलाई सोमबार नेपाल ओलम्पिक कमिटिका अध्यक्ष जीवन राम श्रेष्ठ,  सहभागी खेलका अध्यक्ष लगायतले विदाई गरेका थिए ।

नेपाली टिम :