पिटर सेगुन सातदोबाटोमा अनुबन्धित

काठमाडौं । सहिद स्मारक 'ए' डिभिजन लिग क्लब सातदोबाटो युथ क्लबले डिफेन्डर पिटर सेगुनलाई  अनुबन्धित गरेको छ ।

सातदोबाटोले आगामी 'ए' डिभिजन लिगका लागि डिफेन्डर सेगुनलाई अनुबन्ध गरेको हो ।

'ए' डिभिजन लिग असोज ३ बाट सुरु हुनेछ ।

नाइजेरियन डिफेन्डरले गत सिजनको लिग च्याम्पियन मछिन्द्र फुटबल क्लबबाट खेलेका थिए ।

त्यसअघि उनले थ्री स्टारबाट समेत खेलेका थिए ।

अब्बल डिफेन्डर सेगुनले फ्रेन्चाईज फुटबल नेपाल सुपर लिग (एनएसएल) ललितपुर सिटीबाट खेलेका थिए ।

सातदोबाटो पहिलो पटक 'ए' लिग खेल्न लागेको हो । सहिद स्मारक 'बी' डिभिजन लिगको उपाधि जित्दै सातदोबाटो शीर्ष लिगमा उक्लिएको हो ।

यो पनि .. सातदोबाटोको ‘ए’ डिभिजन यात्रा