आर्सनलसँग केइरनको नयाँ सम्झौता

एजेन्सी । इंग्लिस क्लब आर्सनलका डिफेन्डर केइरन टियरनीले क्लबसँग नयाँ सम्झौता गरेका छन् ।

आर्सनलले शुक्रबार डिफेन्डर केइरनले पाँच वर्षे नयाँ सम्झौता गरेको जनाएको छ ।

स्कटल्याण्डका डिफेन्डर केइरन सन् २०१९ मा सेल्टिकबाट आर्सनल आएका थिए ।

२४ वर्षीय डिफेन्डरले आर्सनलका लागि ६२ खेल खेलिसकेका छन् ।

केइरन स्कटल्याण्डको युरो खेल्ने टिममा समेत रहेका थिए ।

सेल्टिकका लागि उनले १ सय ७० खेल खेलेका थिए । उनले ४ पटक स्कटिस प्रिमियर लिगको उपाधि जितेका थिए ।