एजेन्सी । पाकिस्तानले इंग्ल्यान्ड र वेस्ट इन्डिज भ्रमणका लागि राष्ट्रिय टिमको घोषणा गरेको छ ।
पाकिस्तान क्रिकेट बोर्डले शुक्रबार बाबर आजमको कप्तानीमा टिमको घोषणा गरेको हो ।
पाकिस्तानले घोषणा गरेको टी-ट्वान्टी, एकदिवसीय र टेस्ट टिमको कप्तान आजम रहेका छन् ।
पाकिस्तानले इंग्ल्यान्डसँग टी-ट्वान्टी र एकदिवसीय सिरिज खेल्नेछ ।
पाकिस्तान र इंग्ल्यान्डबीच ३ खेलको टी-ट्वान्टी र ३ खेलको एकदिवसीय सिरिज हुनेछ ।
सिरिज जुलाई ८ देखि २० सम्म हुने तालिका रहेको छ ।
यस्तै पाकिस्तानले वेस्ट इन्डिजसँग ५ टी-ट्वान्टी र २ खेलको टेस्ट सिरिज खेल्नेछ ।
वेस्ट इन्डिज र पाकिस्तानबीचको सिरिज जुलाई २७ देखि अगस्ट २४ सम्म चल्नेछ ।
