एजेन्सी । श्रीलंकाले घरेलु टिम बंगलादेशलाई अन्तिम तथा तेस्रो एकदिवसीयमा जितका लागि २ सय ८७ रनको लक्ष्य दिएको छ ।
ढाकामा शुक्रबार टस जितेर पहिले ब्याटिङ गरेको श्रीलंकाले ५० ओभरमा ६ विकेट गुमाएर २ सय ८६ रन बनायो ।
श्रीलंकाका लागि कप्तान कुशल परेराले १ सय २० रनको शतकीय इनिङ्स खेले ।
धनन्जय डी सिल्भाले अविजित रहदै ५५ रनको अर्धशतकीय इनिङ्स खेले ।
यस्तै दनुश्का गुनाथिलकाले ३९ रन जोड्दा कुशल मेन्डीसले २२ रन जोडे ।
वानिन्दु हसरंगा १८ रनमा आउट भए ।
बंगलादेशका तास्किन अहमेदले ४ विकेट लिए ।
तीन खेलको सिरिज बंगलादेशले २-० ले आफ्नो बनाईसकेको छ ।
पहिलो खेलमा बंगलादेशले ३३ रनको जित निकालेको थियो ।
यस्तै दोस्रो खेलमा बंगलादेशले श्रीलंकालाई डीएल पद्दतिको आधारमा १ सय ३ रनले हराएको थियो ।
