एजेन्सी । वेस्ट इन्डिजका ब्याट्सम्यान क्रिस गेलले यस वर्षको क्यारेबियन प्रिमियर लिग (सीपीएल) टी–ट्वान्टी क्रिकेट खेल्ने भएका छन् ।
गेलले सेन्ट किट्स एण्ड नेभिस प्याट्रीओट्सबाट सीपीएल खेल्ने भएका छन् ।
प्याट्रीओट्सले बिहीबार गेलले यस सिजन आफ्नो टिमबाट खेल्ने जनाएको छ ।
४१ वर्षीय विस्फोटक ब्याट्सम्यानले गत सिजन सीपीएल खेलेका थिएनन् । व्यक्तिगत कारण देखाएर उनले गत सिजनको प्रतियोगिता खेलेका थिएनन् ।
२०२१ को सीपीएल क्रिकेट अगस्ट २८ बाट सुरु हुनेछ ।
सेट किट्स एण्ड नेभिसमा आयोजना हुने सीपीएलको फाइनल सेप्टेम्बर १९ मा हुनेछ ।
प्रतियोगितामा कुल ३३ खेल हुनेछ ।
यस पटक नेपाली राष्ट्रिय टोलीका स्पिनर सन्दीप लामिछानेले ट्रीनबागो नाइट राइडर्सबाट सीपीएल खेल्ने छन् ।
