बेनले टेस्ट सिरिज गुमाउने, साम टिममा

एजेन्सी । इंग्ल्यान्डका विकेटकिपर बेन फोएक्सले न्युजिल्याण्डविरुद्धको टेस्ट सिरिज गुमाउने भएका छन् ।

ह्यामस्ट्रिङ चोटको कारण बेनले दुई खेलको टेस्ट सिरिज गुमाउने भएका हुन् ।

बेनले काउन्टी च्याम्पियनसिप अन्तर्गत मिडेलसेक्सविरुद्धको खेलपछि ड्रेसिङ रुममा चिप्लिएर लड्दा चोट बोकेका थिए ।

बेनले चोट बोकेपछि इंग्ल्यान्डले अर्का विकेटकिपर साम बलिङ्सलाई टिममा बोलाएको छ ।

सामले इंग्ल्यान्डको टेस्ट टिमबाट खेल्न पाएका छैनन् ।

यस्तै इंग्ल्यान्डले सिरिजका लागि ओपनर हसिब हामिदलाई समेत टिममा डाकेको छ ।

इंग्ल्यान्ड र न्युजिल्याण्डबीचको पहिलो टेस्ट जुन २ मा लर्ड्समा सुरु हुनेछ ।

यस्तै दोस्रो टेस्ट जुन १० मा सुरु हुनेछ ।