एजेन्सी । दोस्रो एकदिवसीय क्रिकेटमा बंगलादेशले श्रीलंकालाई जितका लागि २ सय ४७ रनको लक्ष्य दिएको छ ।
ढाकामा मंगलबार टस जितेर पहिले ब्याटिङ गरेको बंगलादेशले ४८ ओभर १ बलमा अलआउट हुँदै २ सय ४६ रन बनायो ।
बंगलादेशका लागि मुस्फिकर रहिमले १ सय २५ रनको शतकीय इनिङ्स खेले ।
यस्तै महमुदउल्लाहले ४१ रन जोड्दा लिटोन दासले २५ रन बनाए । कप्तान तमिम इकबाल १३ रनमा आउट हुँदा शकिब अल हसन सुन्य रनमा आउट भए ।
श्रीलंकाका लागि लक्षण सन्दुकन र दुश्मन्था चामिराले ३/३ विकेट लिए । इशुरु उडानाले २ विकेट लिए ।
तीन खेलको एकदिवसीय सिरिजका लागि श्रीलंका बंगलादेशको भ्रमणमा रहेको छ ।
पहिलो खेलमा बंगलादेशले ३३ रनको जित निकालेको थियो ।
