एजेन्सी । पाकिस्तानले अफगानिस्तानसँग एकदिवसीय क्रिकेट सिरिज खेल्ने भएको छ ।
अफगानिस्तानको आयोजनामा हुने दुई टोलीबीचको सिरिज सेप्टेम्बरमा हुनेछ ।
युएईमा आयोजना हुने सिरिज तीन खेलको हुने क्रिकवजले जनाएको छ ।
पाकिस्तान र अफगानिस्तानबीच अहिलेसम्म दुई देशीय सिरिज भएको छैन ।
तर, आईसीसी र एसीसीको प्रतियोगितामा भने दुई टिमबीच खेल भएको छ ।
'खेल युएईमा हुनेछ । तर, अझै भेन्यु पक्का भएको छैन । हामी सारजाह, आबुधाबी र दुबई मध्ये एकमा गर्नेबारे छलफल गरिरहेका छौँ,' अफगानिस्तानका एक पदाधिकारीले भनेका छन् ।
यस्तै अफगानिस्तानले पाकिस्तानसँगको एकदिवसीय सिरिजपछि अष्ट्रेलिया र वेस्ट इण्डिजबीच त्रिदेशीय टी-ट्वान्टी सिरिज खेल्ने योजना भएको छ ।
