एजेन्सी । पहिलो एकदिवसीय क्रिकेटमा बंगलादेशले श्रीलंकालाई जितका लागि २ सय ५८ रनको लक्ष्य दिएको छ ।
ढाकामा आइतबार टस जितेर पहिले ब्याटिङ गरेको बंगलादेशले ५० ओभरमा ६ विकेट गुमाएर २ सय ५७ रन बनायो ।
बंगलादेशका लागि मुस्फिकर रहिमले सर्वाधिक ८४ रनको अर्धशतकीय इनिङ्स खेले ।
यस्तै महमुदउल्लाहले ५४ रनको अर्धशतकीय इनिङ्स खेल्दा कप्तान तमिम इकबालले ५२ रनको अर्धशतकीय इनिङ्स खेले ।
अफिफ होसेनले अविजित २७ रन जोड्दा मोहमद सैफुदीन १३ रनमा अविजित रहे ।
शकिब अल हसन १५ रनमा आउट भए ।
श्रीलंकाका लगी धनन्जय डी सिल्भाले ३ विकेट लिए । दुश्मन्था चामिरा, दनुश्का गुनाथिलका र लक्षण सन्दुकनले एक एक विकेट लिए ।
तीन खेलको एकदिवसीय सिरिजका लागि श्रीलंका बंगलादेशको भ्रमणमा रहेको छ ।
