एजेन्सी । एसिया कप टी-ट्वान्टी क्रिकेट प्रतियोगिता स्थगित हुने भएको छ ।
श्रीलंकामा हुने एसिया कप यस वर्षको मध्यमा आयोजना गरिने तय थियो ।
तर,कोरोना भाईरसको महामारी र व्यस्त क्रिकेट तालिकाको कारण एसिया कप स्थगित हुने भएको छ ।
यसै वर्ष भारतमा टी-ट्वान्टी विश्वकप आयोजना हुँदैछ ।
एसियन क्रिकेट काउन्सिल (एसीसी) र आयोजक श्रीलंका क्रिकेट बोर्डले औपचारिक रुपमा घोषणा भने गरेको छैन ।
गत वर्ष पाकिस्तानमा हुने भनिएको एसिया कप कोरोना भाईरसको कारण एक वर्ष स्थगित गरिएको थियो ।
प्रतियोगितामा भारत, पाकिस्तान, श्रीलंका, बंगलादेश, अफगानिस्तान र मलेसियाबीच प्रतिस्पर्धा हुनेछ ।
