काठमाडौं । आदिअवादी महिला भलिबलमा सहभागि टिम चितवन टाईगर्सले तीन अमेरिकन खेलाडी भित्राएको छ । बिहिवार आदीअवादी फाउन्डेसनका नेपाल प्रमुख सुर्य गुरुङले अन्तर्राष्ट्रिय एयरपोटमा खेलाडीलाई स्वागत गरेका थिए ।
अमेरिकन खेलाडीमा जासन ब्रिक्र्स, ट्रेस राउन्ड ट्री र डलटोन टु जोन रहेका छन् । उनिहरुले स्पाईकर र ब्लकरको भूमिका निर्वाह गर्ने छन् । चितवन टाईगर्सका अन्य खेलाडीमा राष्ट्रिय खेलाडी अरुणा शाहीले सेटरको भूमिकामा कोर्टमा उत्रिने छन् ।
पुनम चन्दले ब्लकर र स्पाईकरको जिम्मेवारी सम्माल्ने छन् । त्यस्तै अन्य खेलाडीमा सजना महतो, लिब्रोमा यमकली कुवँर, मोनिका महतो, आरती सुबेदी, जश्ना महतो रहेका छन् । प्रशिक्षकको भूमिकामा बाबुराम महतोले निभाउने छन् । प्रतियोगिता पर्सी शनिबार सुरु हुदैछ ।
