भारतीय टिम २४ दिन क्वारेन्टिनमा बस्ने

एजेन्सी । इंग्ल्यान्ड भ्रमण अघि भारतीय क्रिकेट टिमले लामो समय क्वारेन्टिनमा बस्नु पर्ने भएको छ ।

भ्रमण अघि भारतीय टिमले मुम्बईमा दुई साता र इंग्ल्यान्ड पुगेपछि १० दिनको क्वारेन्टिनमा बस्नु पर्ने भएको छ ।

कोरोना भाईरसको महामारी र सम्भावित संक्रमणको कारण भारतीय टिमले लामो समय क्वारेन्टिनमा बिताउनु पर्ने भएको हो ।

भारतीय टिमको मुम्बईमा बुधबारबाट क्वारेन्टिन सुरु हुनेछ । भारतीय टिम जुन २ मा इंग्ल्यान्ड जाने छन् ।

इंग्ल्यान्ड पुगेपछि भारतीय साउथह्याम्पटनमा १० दिनको क्वारेन्टिनमा बस्ने छन् ।

भारतले इंग्ल्यान्डमा विश्व टेस्ट च्याम्पियनसिपको फाइनल खेल खेल्नेछ ।

बीसीसीआईले २० सदस्सीय टिमको घोषणा गरिसकेको छ ।

भारतले टेस्ट च्याम्पियनसिपको फाइनलमा न्युजिल्याण्डसँग खेल्नेछ ।

इंग्ल्यान्डको साउथह्याम्पटनमा हुने भारत र न्युजिल्याण्डबीचको फाइनल जुन १८ देखि २२ सम्म हुनेछ ।

त्यसपछि भारतले घरेलु टिम इंग्ल्यान्डसँग पाँच खेलको टेस्ट सिरिज खेल्नेछ ।

पहिलो टेस्ट अगस्ट ४ बाट हुनेछ । यस्तै अन्तिम टेस्ट १४ सेप्टेम्बरबाट सुरु हुनेछ ।