भलिबलका कुमार, विजय र विकास सम्मानित

काठमाडौं । राष्ट्रिय खेल भलिबलका प्रशिक्षक कुमार राई, रेफ्रीद्धय विजय केसी र विकास गुरुङ सम्मानित भएका छन् । 

नेपाल बिद्यालय भलिबल कमिसनको पहिलो बिशेष साधारण सभाका अवसरमा शुक्रबार उनीहरु नगदसहित सम्मानित भएका हुन् ।

कमिसनले न्युडायमण्ड एकेडेमीका प्रिन्सिपल समेत रहेका प्रशिक्षक राईलाई बिद्यालय स्तरमा भलिबल खेलाडी उत्पादन गराई राष्ट्रिय च्याम्पियन बनाउन र प्रतिभावन खेलाडी उत्पादन गर्न महत्वपूर्ण भूमिका निभाएको भन्दै ताम्रपत्रसहित नगद १० हजारले सम्मान गरेको हो ।

त्यस्तै एशियन अन्तर्राष्ट्रिय रेफ्री क्यानिडेडमा उत्रिणा गरेका रेफ्रीद्धय केसी र गुरुङलाई ताम्रापत्रसहित नगद ३/३ हजारले सम्मान गरेको हो ।