काठमाण्डौं । ढोरपाटन स्पोर्टस् क्लबको आयोजनमा सेब टु–ए साईड खुला महिला तथा पुरुष भलिबल प्रतियोगिता बुधबारबाट हुने भएको छ । साबाखुसी बोडिङ स्कुल(सेब)को मुख्य प्रायोजनमा संचालन हुने प्रतियोगिताको चौथो संस्करण असार ६ गतेबाट हुने भएको हो ।
प्रतियोगितामा ४८ टिमको सहभागिता रहने सेब स्कुलका प्रिन्सिपल युवाराज थापाले आइतबार पत्रकार सम्मेलनमा जानकारी गराए । थापाले पुरुषतर्फ बिजेताले ३५ हजार,उपबिजेताले २० हजार तेस्रो हुनेले १० हजार प्राप्त गर्ने बताए । महिलातर्फका बिजेताले २० हजार,उपबिजेताले १० हजार र तेस्रोले ५ हजार प्राप्त गर्ने छन् ।
आयोजक ढोरपाटनका अध्यक्ष मनबीर छन्त्यालले प्रतियोगितालाई भब्य बनाउन पाँचौ संस्करण देखि पुरुष बिजेता टिमले २ थान मोटरसाईकल र महिलातर्फको बिजेतालाई दुई थान स्कुटर पुरस्कार राखिने बताए ।
नयाँ बसपार्क स्थित ढोरपाटन स्पोर्टस् क्लबमा संचालन हुने प्रतियोगिता असार ९ गते सम्म संचालन हुनेछ ।
