एसी मिलानको सहज जित

एजेन्सी । इटालियन सिरी 'ए' फुटबलमा एसी मिलानले सहज जित निकालेको छ ।

आइतबार राति भएको खेलमा एसी मिलानले हेलास भेरोनालाई २-० गोल अन्तरले पराजित गरेको हो ।

भेरोनाको मैदानमा मिलानलाई जित दिलाउन रेड क्रुनिच र डियोगो डालोटले एक एक गोल गरे ।

खेलको २७ औं मिनेटमा क्रुनिचले गोल गर्दै मिलानलाई अग्रता दिलाएका थिए ।

त्यसपछि खेलको ५० औं मिनेटमा डालोटले गोल गर्दै मिलानलाई २-० को जित दिलाए ।

जितसँगै मिलानले २६ खेलबाट ५६ अंक जोडेको छ ।

मिलान लिगको दोस्रो स्थानमा रहेको छ ।

भेरोना ३८ अंक जोडेर आठौं स्थानमा रहेको छ ।