बेनिटेजले छाडे चिनियाँ क्लब

एजेन्सी । स्पेनिस प्रशिक्षक राफायल बेनिटेजले चाईनिज सुपर लिग क्लब डालियान प्रोफेशनल एफसी छाडेका छन् ।

डालियानको मुख्य प्रशिक्षक बनेको १८ महिनापछि प्रशिक्षक बेनिटेजले क्लब छाडेका हुन् ।

६० वर्षीय बेनिटेजले सम्झौता नसकिदै क्लब छाडेका हुन् ।

कोरोना भाईरसको महामारीको कारण र परिवारलाई समय दिनको लागि क्लब छाडेका बेनिटेजले बताएका छन् ।

बेनिटेजले गत वर्ष न्युकासल युनाईटेड छाडेका थिए । त्यसपछि उनि चिनियाँ क्लब आएका थिए ।

न्युकासल अघि उनले रियल मड्रिड र लिभरपुलको टिम सम्हालेका थिए ।