एजेन्सी । न्युजिल्याण्डका कप्तान तथा ब्याट्सम्यान केन विलियम्सन टेस्ट क्रिकेटको ब्याट्सम्यानतर्फ शीर्ष स्थानमा यथावत रहन सफल भएका छन् ।
अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको नयाँ वरीयतामा विलियम्सन शीर्ष स्थानमा कायम रहेका हुन् ।
अष्ट्रेलियाका स्टिभ स्मिथ पनि दोस्रो स्थानमा यथावत रहेका छन् ।
यस्तै अष्ट्रेलियाका मार्नुस लाबुस्चाग्ने भारतीय क्रिकेट टोलीका कप्तान विराट कोहलीलाई पछि पार्दै तेस्रो स्थानमा उक्लिएका छन् ।
कोहली चौंथो र इंग्ल्यान्डका जोय रुट पाँचौं स्थानमा रहेका छन् ।
नयाँ वरीयता अनुसार पाकिस्तानका बाबर आजम, भारतका चेतेश्वर पुजारा, इंग्ल्यान्डका बेन स्टोक्स, भारतका अजिन्का रहाने र न्युजिल्याण्डका हेनरी निकोल्स छैटौंबाट क्रमशः दशौँ स्थानमा रहेका छन् ।
बलिङतर्फ अष्ट्रेलियाका पाट कुमिन्स शीर्ष स्थानमा यथावत रहेका छन् ।
इंग्ल्यान्डका स्टुवार्ड बोर्ड दोस्रो, न्युजिल्यान्डका निल वाग्नेर तेस्रो, अष्ट्रेलियाका जोस हाजलउड चौंथो र न्युजिल्यान्डका टिम साउथी पाँचौं स्थानमा छन् ।
अलराउण्डरतर्फ इंग्ल्यान्डका बेन स्टोक्स शीर्ष स्थानमा यथावत रहेका छन् ।
वेष्ट इन्डिजका जासन होल्डर दोस्रो, भारतका रबिन्द्र जडेजा तेस्रो, बंगलादेशका शाकिब अल हसन चौंथो र न्युजिल्याण्डका केली जेमिसन पाँचौ स्थानमा रहेका छन् ।
-1736873565.JPG)
