एन्फा अध्यक्ष शेर्पा भन्छन्, ‘नेपाली फुटबलले अब फड्को मार्छ’

काठमाडौं । अखिल नेपाल फुटबल संघ एन्फाका अध्यक्ष कर्माछिरिङ शेर्पाले नेपालले अब फुटबलमा फड्को मार्ने बताएका छन् ।

साफ च्याम्पियनसिपमा नेपाल सेमिफाईलन प्रवेश गरेलगत्तै अध्यक्ष शेर्पाले नेपाली फुटबलले सबै नेपालीलाई खुशी दिएको प्रतिक्रिया दिए ।

उनले भने, ‘फुटबलले सबै नेपालीलाई खुसी दिएको छ । हामीसबैलाई बधाई छ ।’

शेर्पाले अब नेपालले उपाधिकालागि प्रतिस्पर्धा गर्ने र त्यसमा सफल समेत हुने विश्वास ब्यक्त गरे ।

‘सेमिफाईनल र फाईनलमा राम्रो नतिजा ल्याएर नेपाली फुटबलले अब फड्को मार्छ ।’ खेलपाटीसंग उनले भने ।