काठमाडौं । नेपाली लेग स्पिनर सन्दीप लामिछाने बिग बास खेल्न आगामी मंगलबार अष्ट्रेलिया जाने भएका छन् ।
सन्दिपका म्यानेजर रमेश सिवाकोटी सन्दीप बिग बासमा सहभागी हुन डिसेम्बर १५ मा अष्ट्रेलिया प्रस्थान गर्ने बताएका छन् ।
सन्दीपले यस सिजन होबार्ट हुरिकेन्सबाट बिग बास खेल्दैछन् ।
सन्दीप कतार एयरवेजमा बिहान ११ गते काठमाडौंबाट उड्नेछन् । सन्दीप भोलिपल्ट एडिलेट पुग्नेछन् । उनले अनिवार्य रुपमा १४ दिन क्वारेन्टिनमा बस्नुपर्नेछ । त्यसपछि उनी आफ्नो टिमसंग जोडिन पाउनेछन् ।
बिग बासको नयाँ सिजन आज (बिहिबार)बाट सुरु हुदैछ । पहिलो खेलमै सन्दीपको टिम होबार्ट हुरिकेन्सले घरेलु मैदामा सिड्नी सिक्सर्ससंग खेल्नेछ ।
