फर्नान्डेसलाई 'सर म्याट बस्बी प्लेयर अफ दि इयर' अवार्ड

एजेन्सी । म्यानचेस्टर युनाइटेडका मिडफिल्डर बुर्नो फर्नान्डेसले 'सर म्याट बस्बी प्लेयर अफ दि इयर' अवार्ड जितेका छन् ।

युनाइटेड आएका पहिलो सिजनमै फर्नान्डेसले सर म्याट बस्बी प्लेयर अफ दि इयर अवार्ड जितेका हुन् ।

क्लबको समर्थकको भोटको आधारमा फर्नान्डेसले अवार्ड जितेका हुन् ।

पोर्चुगिज मिडफिल्डर फर्नान्डेसले २०१९/२० को सिजन २२ खेलमा १२ गोल र ८ गोलका लागि अस्सिट गरेका थिए ।

म्यानचेस्टर युनाइटेडको पूर्व प्रशिक्षक सर म्याट बस्बीको सम्मानमा युनाइटेडले हरेक वर्ष यस अवार्ड प्रदान गर्ने गर्छ ।

यस अवार्ड सर्वाधिक धेरै गोलकिपर डेभिड डे गियाले जितेका छन् । उनले ४ पटक जितेका छन् ।

यस्तै क्रिस्टियानो रोनाल्डोले ३ पटक जितेका थिए ।

यस अघि फर्नान्डेसले प्लेयर अफ दि सिजन अवार्ड जितेका थिए ।