टोटेनहमले रियलका रेगुइलोन अनुबन्ध गर्ने

एजेन्सी । इंग्लिस क्लब टोटेनहमले स्पेनिस डिफेन्डर सर्जियो रेगुइलोनलाई अनुबन्ध गर्ने भएको छ ।

रेगुइलोन अनुबन्धको लागि प्रिमियर लिग क्लब र स्पेनिस क्लब रियल मड्रिडबीच सहमति बनेको बीबीसीले जनाएको छ ।

टोटेनहम रेगुइलोन अनुबन्धको लागि ३० मिलियन युरो खर्चिन तयार भएको बताईएको छ ।

रेगुइलोन र टोटेनहमबीच केहि दिनमा औपचारिक सम्झौता हुने समेत बताईएको छ ।

स्पेनिस क्लब रियल म्याड्रिडका डिफेन्डर सर्जियो रेगुइलोन इंगलिस प्रिमियर लिगको टोटेनहम हट्सपरमा अनुबन्धित हुने भएका छन् ।

टोटेनहमले २३ वर्षीय डिफेन्डरसँग ५ वर्षको सम्झौता गर्ने बताईएको छ ।

पछिल्लो समय रेगुइलोन म्यानचेस्टर युनाइटेडसँग समेत जोडिएका थिए ।

गत सिजन रेगुइलोनले सेभियाबाट लोनमा खेलेका थिए । रेगुइलोनले ३१ लिग खेलमा २ गोल समेत गरेका थिए ।

सेभियाले युरोपा लिगको उपाधि जित्दा उनले उत्कृष्ट प्रदर्शन गरेका थिए ।