लाजियोमा कोसोभोका स्ट्राइकर मुरिकी

एजेन्सी । इटालियन क्लब लाजियोले स्ट्राइकर भेडाट मुरिकीलाई अनुबन्ध गरेको छ

कोसोभोका स्ट्राइकर मुरिकीलाई टर्किस क्लब फेनरबाचबाट लाजियोले अनुबन्ध गरेको हो ।

२६ वर्षीय मुरिकीले लाजियोसँग पाँच वर्षको सम्झौता गरेका छन् ।

लाजियोले करिब २० मिलियन युरोमा मुरिकीलाई अनुबन्ध गरेको हो ।

अब मुरिकीले लाजियोमा सिरी 'ए' मा गत सिजन सर्वाधिक गोलकर्ता रहेका सिरो इम्मोबाइलको जोडीको अग्रपंतिमा खेल्ने छन् ।

मुरिकीले गत सिजन टर्किस क्लबका लागि ३२ लिग खेलमा १५ गोल गरेका थिए ।