सेबालोस थप एक सिजन आर्सनलमा बस्ने

एजेन्सी । स्पेनिस क्लब रियल मड्रिडका मिडफिल्डर डानी सेबालोस थप एक सिजन आर्सनलमा बस्ने भएका छन् ।

स्पेनिस मिडफिल्डर सेबालोस गत सिजन लोनमा आर्सनल आएका थिए ।

पहिलो सिजन उत्कृष्ट प्रदर्शन गरेपछि आर्सनलले सेबालोससँग पुन: एक वर्षको नयाँ सम्झौता गरेको हो ।

सेबालोसले गत सिजन आर्सनलका लागि ३७ खेलमा २ गोल गरेका थिए ।

आर्सनललाई एफए कप जिताउन सेबालोसले महत्वपूर्ण भूमिका खेलेका थिए ।

२३ वर्षीय मिडफिल्डर २०१७ मा रियल आएका थिए ।

स्पेनको राष्ट्रिय टिमबाट ९ खेल खेलिसकेका सेबालोसले १ गोल गरिसकेका छन् ।

यस्तै रियलबाट ३५ खेलमा ५ गोल गरेका थिए ।