बार्सिलोनाका उम्टिटीलाई कोरोना

एजेन्सी । बार्सिलोनाका डिफेन्डर स्यामुयल उम्टिटीलाई कोरोना संक्रमण पुष्टि भएको छ ।

बार्सिलोनाले आफ्ना डिफेन्डर कोरोनाबाट संक्रमित भएको पुष्टि गरेको हो ।

उम्टिटी च्याम्पियन्स लिगको बायर्न म्युनिखबिरुद्धको टिममा छैनन् ।

फ्रान्सेली डिफेन्डर पछिल्लो समय चोटका कारण खेलमा फर्कन संघर्षरत छन् । बिहिबार अभ्यास मैदानमा उनमा संक्रमण देखिएको हो ।

उनमा कोरोनाको कुनै लक्षण देखिएको थिएन । लगत्तै उनलाई घरमा एकान्तबासमा पठाईएको छ ।

उम्टिटी कोरोना देखिने बार्सिलोनाका दोस्रो खेलाडी हुन् । च्याम्पियन्स लिगको तयारीको क्रममा बिहिबार गरिएको परिक्षणको क्रममा उनमा संक्रमण पुष्टि भएको हो ।

‘बिहिबार गरिएको पीसीआर परिक्षणमा उम्टिटीमा कोरोना परिक्षण पोजेटिभ देखिएिको छ । उनमा कुनै लक्षण देखिएको छैन । उनको स्वास्थ्य ठिक छ । उनी एकान्तबासमा रहेका छन् ।’ क्लबले जारी गरेको बिज्ञप्तीमा भनिएको छ ।

‘क्लबले सम्बन्धित खेल अधिकारी र स्वास्थ्य अधिकारीलाई जानकारी गराएको छ । र उनीसंग सम्पर्कमा आएका सबै मानिसको खोजी गरिएको छ । र उनीहरुलाई पीसीआर परिक्षणको दायरामा राखिएको छ ।’ क्लबले भनेको छ ।

बार्सिलोनाको टिमबाट बाहिर रहेको उम्टिनी बुधबारबाट क्लबको प्रि सिजन अभ्यासमा फर्किएका थिए ।