एजेन्सी । कोरोना भाईरसको महामारीको कारण यूसीआई पारा साईक्लिङ रोड विश्व च्याम्पियनसिप रद्द भएको छ ।
बेल्जियममा आगामी जुनमा तय भएको प्रतियोगिता कोरोनाको कारण रद्द भएको हो । प्रतियोगिता जुन ४ देखि ७ सम्म हुने तालिका रहेको थियो ।
तर, आयोजकले कोरोनाको महामारीलाई मध्येनजर गर्दै प्रतियोगिता रद्द गरिएको जनाएको छ ।
आयोजकले एक विज्ञप्ति निकाल्दै प्रतियोगिता रद्द गरिएको घोषणा गर्दा आफुहरु निकै दुखी भएको बताएको छ ।
तर, अहिलेको अवस्थामा प्रतियोगिता स्थगित गर्नु उचित निर्णय गरिएको जनाएको छ ।
