काठमाडौं । बिस २०७६ सालमा नेपालले निकै कम एकदिवसीय अन्तर्राष्ट्रिय क्रिकेट खेल खेलेको छ । नेपालले यस वर्ष मात्र ४ एकदिवसीय अन्तराष्ट्रिय क्रिकेट खेलेको छ ।
एकदिवसीय अन्तर्राष्ट्रिय मान्यता पाएको राष्ट्रले एक वर्षमा ४ खेल मात्र खेल्नु लज्जाको विषय हो । सायद नेपाल एक वर्षमा कम एकदिवसीय अन्तर्राष्ट्रिय खेल खेल्ने राष्ट्रमा पर्दछ ।
नेपालले आईसीसी क्रिकेट विश्वकप लिग-२ अन्तर्गतको आफ्नो पहिलो सिरिज बाहेक अन्य एकदिवसीय अन्तर्राष्ट्रिय खेल खेलेन । तर, नेपालले पहिलो पटक घरेलु भूमिमा एकदिवसीय अन्तर्राष्ट्रिय खेल खेल्यो ।
सिरिजमा नेपालले अमेरिका र ओमानसँग खेलेको थियो ।
उक्त सिरिजसँगै नेपालको एक मात्र अन्तर्राष्ट्रिय क्रिकेट मैदान त्रिवि क्रिकेट मैदानले समेत एकदिवसीय अन्तर्राष्ट्रिय मान्यता पाएको थियो ।
नेपालले कम एकदिवसीय खेलेसँगै नेपाली खेलाडीले पनि एकदिवसीय अन्तर्राष्ट्रियमा यस वर्ष कम रन बनाउन सके ।
एकदिवसीय अन्तर्राष्ट्रियमा यसवर्ष सर्वाधिक रन बनाउने ५ नेपाली खेलाडीको चर्चा तल गरिएको छ ।
विनोद भण्डारी
यस वर्ष नेपालको तर्फबाट एकदिवसीय अन्तर्राष्ट्रियमा सर्वाधिक रन बनाउने खेलाडी विनोद भण्डारी हुन् । विनोदले ३ एकदिवसीय अन्तर्राष्ट्रिय खेलमा १ सय २० रन बनाउन सफल रहे ।
यसवर्ष एकदिवसीय अन्तर्राष्ट्रिय खेलमा एक सय रन कटाउने विनोद मात्र एकल खेलाडी हुन् । विनोदको एकदिवसीय अन्तराष्ट्रियमा औषत रन ४० को रह्यो ।
अमेरिकाविरुद्ध विनोदले ५९ रनको अर्धशतकीय इनिङ्स खेल्दा ओमानविरुद्धको दुई खेलमा २६ र ३५ रन बनाए । लिग-२ को दोस्रो खेलमा विनोदले कुशल मल्लसँग उत्कृष्ट साझेदारी गर्दै नेपाललाई सम्मानजनक लक्ष्य प्रस्तुत गर्न महत्पूर्ण भूमिका खेलेका थिए ।
विनोदले ३ खेलमा १३ चौका २ छक्का प्रहार गर्दै नेपालको लागि सर्वाधिक रन बनाउने खेलाडी बने ।
पारस खड्का
पारस खड्का २०७६ मा नेपालको तर्फबाट एकदिवसीय अन्तराष्ट्रिय सर्वाधिक रन बनाउने दोस्रो खेलाडी हुन् । पारसले ४ एकदिवसीय अन्तर्राष्ट्रिय खेलमा ८० रन बनाउन सफल रहे ।
पारसको एकदिवसीय अन्तर्राष्ट्रियमा औषत रन २० को रह्यो ।
ओमानविरुद्धको दोस्रो खेलमा पारसले बनाएको ३८ रन उनको यस वर्षको सर्वाधिक रन हो । उनले ओमानसँगको पहिलो खेलमा ३ रन बनाउँदा अमेरिकासँग क्रमस: १९ र २० रन बनाएका थिए ।
पारसले ४ खेलमा ११ चौका २ छक्का प्रहार गर्दै नेपालको लागि सर्वाधिक रन बनाउने दोस्रो खेलाडी बने । यस वर्ष पारसको लागि सफल वर्ष रहेन ।
ज्ञानेन्द्र मल्ल
कप्तान ज्ञानेन्द्र मल्ल यस वर्ष एकदिवसीय अन्तर्राष्ट्रिय खेलमा सर्वाधिक रन बनाउने तेस्रो खेलाडी हुन् । मल्ल पारस भन्दा १ रनले पछि परे । सबै खेलमा ओपनिङ गरेका उनले एक अर्धशतक सहित ७९ रन बनाए ।
यस वर्ष ज्ञानेन्द्रको लागि सफल वर्ष रहेन । उनले ओमानविरुद्धको खेलमा ५६ रन बनाएको स्कोर सर्वाधिक रह्यो । यस बाहेक उनको प्रदर्शन सम्झनलायक रहेन ।
मल्लको यसवर्ष एकदिवसीय अन्तर्राष्ट्रिय खेलमा औषत रन १९ दशमलब ७९ को रह्यो ।
कुशल मल्ल
यसै वर्ष डेब्यु गरेका युवा खेलाडी कुशलको लागि वर्ष २०७६ उत्कृष्ट रह्यो । डेब्यु खेलमा अर्धशतक बनाउदै विश्व कीर्तिमान बनाउन सफल रहे कुशल ।
अमेरिकाविरुद्धको खेलमा डेब्यु गरेका कुशलले अर्धशतक बनाउँदा कम उमेरमा अर्धशतक बनाउने विश्वका कान्छा खेलाडी बने । उनले नेपालकै रोहित पौडेलको कीर्तिमान तोडेका थिए ।
डेब्यु खेलमा विश्वको ध्यान तान्न सफल भएका कुशल यसवर्ष एकदिवसीय अन्तर्राष्ट्रिय खेलमा सर्वाधिक रन बनाउने तेस्रो नेपाली खेलाडी हुन् ।
कुशल कप्तान ज्ञानेन्द्र भन्दा १ रनले पछि परे । उनले २ खेलमा एक अर्धशतक सहित ७८ रन बनाए ।
मल्लको यस वर्ष एकदिवसीय अन्तर्राष्ट्रिय खेलमा ३९ को औषत रह्यो । अलराउण्ड प्रदर्शन गरेका कुशलले २ विकेट समेत हात पारे ।
शरद भेषवाकर
शरद भेषवाकर २०७६ मा नेपालको तर्फबाट एकदिवसीय अन्तर्राष्ट्रियमा सर्वाधिक रन बनाउने पाँचौं खेलाडी हुन् । शरदले मात्र १ खेलमा ५५ रन बनाउन सफल रहे ।
शरदको एकदिवसीय अन्तर्राष्ट्रियमा औषत रन २० को रह्यो ।
ओमानविरुद्धको पहिलो खेलमा शरदले सर्वाधिक ५५ रन बनाएका थिए । त्यस खेलमा चोट बोकेका शरदले अन्य खेल गुमाउन पुगे ।
शरदले खेलमा ५ चौका प्रहार गरेका थिए । उनको स्ट्राइक रेट समेत ५० दशमलब ९२ को रहेको थियो ।
-1735907131.jpeg)
