काठमाडौं ।
५५ सालको कुरा हो ।
पश्चिमाञ्चल क्षेत्रीय खेलकुद विकस समितिले फुटबल प्रतियोगिता आयोजना गरेको थियो, रारा कपको नाममा ।
जिल्लाभरका क्लब प्रतियोगिता खेल्न आएका थिए । त्यसै मध्यको एक थियो, सहारा क्लब पोखरा ।
सहाराले राम्रै खेल्यो । नतिजापनि राम्रै आयो ।
क्लबका खेलाडी पनि हौसिए । विधिवत रुपमा क्लबनै दर्ता गरे ।
क्लबको उद्धेश्य थियो । फुटबल पनि खेल्ने, सामाजिक कार्यमा नि सक्रिय हुने ।
अनि सहारा क्लब पोखराले औपचारिक रुपमा जन्म लिएको थियो ।
विपन्न तथा अप्ठ्यारो अवस्थाका बालकहरुको लालन पोषण, शिक्षासंगै फुटबल प्रशिक्षण दिएर देशका लागि खेलाडी उत्पादन गर्ने क्लबको उद्धेश्य थियो ।
सोही अनुसार एकेडेमीले आकार पायो । एकेडेमीमा बिपन्न बालक राखिए । बस्ने, खाने र पढ्ने पुरै व्यवस्था गरियो । संगै फुटबल सिकाउने काम अघि बढ्यो ।
एकेडेमी सञ्चालन गर्न आर्थिक जोहो गर्न पर्दथ्यो ।
![Nepal Police Club vs CMG Club Sankata in 15th Aaha Rara Gold Cup](https://thehimalayantimes.com/wp-content/uploads/2017/01/Nepal-Police-Club-vs-CMG-Club-Sankata-in-15th-Aaha-Rara-Gold-Cup.jpg)
देश, विदेशबाट सहयोग आएका थिए । तर पर्याप्त थिएनन् ।
त्यही समय सहाराले क्याराभान कपको नाममा ५८ सालमा फुटबल प्रतियोगिता आयोजना गर्न सुरु गर्यो ।
नेपालमा खिचिएको विदेशी चलचित्र क्याराभान त्यो समय निकै चर्चामा थियो । त्यही समय क्याराभान नामको पेय पद्धार्थ बजारमा निस्किएको थियो ।
पहिलो संस्करण क्याराभान कपको नाममा सुरु भयो ।
दोस्रो संस्करणमा भने पोखरासंग आहा चाउचाउ जोडिन आईपुग्यो ।
अनि आहा गोल्डकपको सुरुवात भएको हो ।
त्यसपछि निरन्तर आहाको नाममा पोखरामा फुटबल सञ्चालन हुदै आएको छ ।
सुरुवातको समयमा देश शसत्र युद्धमा होमिएको थियो । व्यापार व्यवसाय धरासायी अवस्थामा थिए । शान्ति सुरक्षाको अवस्था खराब थियो ।
तर ५८ सालमा सुरु भएको आहा गोल्डकप १९ बर्षको लक्का जवान भएको छ ।
अझ आज (आईतबार)को दिन सहारा क्लबका लागि बिशेष रह्यो ।
आहा राराले आईतबार २ सयौं खेलको कोशेढुङ्गा पार गरेको छ । यस बिशेष दिनलाई सहारा क्लबका पदाधिकारीले निकै खुसीका साथ मनाए ।
‘सुरुवातमा संकटकालको समय थियो । ठुलो संघर्ष पार गर्दै यहाँ सम्म आईपुग्यौ । परिस्थिती अनुकुल थिएन । तर फुटबल प्रतियोगिता रोकेनौ ।’
क्लबका पुर्व अध्यक्ष बिक्रम थकालीले खेलपाटीसंग भने, ‘प्रतियोगिता निरन्तर आयोजना हुदै आएको छ । ठुलो मेहनतलाई आजको दिनमा पुष्टि गर्यौ भन्ने लाग्छ ।’
आईतबार मैदानमा मनाङ मस्र्याङ्दी र झापा ११ क्लब उत्रिएका थिए ।
दुवै टिमका खेलाडीलाई आयोजकले मायाको चिनो दिए । विशेष नृत्य प्रस्तुत गरे । खेलको बिचमा कलाकारले गित समेत गाए ।
आखिर सहाराका लागि आईतबार साच्चिकै बिशेष थियो ।
गोल्डकपले २ सयौ खेलको कोशेढुङ्गा पार गरेको थियो ।
क्लबका पुर्व अध्यक्ष थकालीले ५८ सालको उद्घाटनमा सहारा सेतो र नक्साल युवा मण्डल खेलेको झलझली सम्झिए ।
![Image may contain: one or more people, crowd, stadium and outdoor](https://scontent.fktm8-1.fna.fbcdn.net/v/t1.0-9/53201091_2119681008112591_8796267548204072960_o.jpg?_nc_cat=110&_nc_sid=0be424&_nc_ohc=Q2PvKjWmjC4AX-9o1hH&_nc_ht=scontent.fktm8-1.fna&oh=9b09d4548c28aaf3d704ef27a0729898&oe=5E9471C8)
सहारा क्लब यस सफलताको ठुलो श्रेय पोखराका दर्शकलाई दिन चाहन्छ ।
फोटो पत्रकार समेत रहेका सहारा क्लबका अभियान्ता सुदर्शन रञ्जित भन्छन्, ‘पोखराका दर्शक फुटबललाई माया गर्छन ।’
‘क्लबको ठुलो आर्थिक श्रोत केही छैन । दर्शकले काटेको टिकटनै आम्दानी हो । यसमा २ सयौं खेलको कोशेढुङ्गा पार गरेका छौ ।’ उनी थप्छन् ।
उनको चिन्ता भने केन्द्रको फुटबल नेतृत्वले सहारा क्लबको मर्म बुझेन भन्नेमा छ ।
‘१८ औं संस्करण सम्म आयौ । समयमै प्रतियोगिताको मिति पाउदैनौ ।’ रञ्जित भन्छन्, ‘पोखरामा मंसिर र माघको समय फुटबलका लागि उत्तम हुन्छ । फागुनमा हावा हुरी चल्ने भएकाले राम्रो मौषम मानिदैन ।’
‘कुनै रोकतोक बिना लगातार गोल्डकपको सफल आयोजना गर्न सक्यौ । नेपाल बन्द भएको अवस्थामा समेत प्रतियोगिता निरन्तर आयोजना भयो । २ सयौं खेलको कोशेढुङ्गाले गर्व महशुश गराएको छ ।’ उनी थप्छन्, ‘एन्फाले ६ महिना अगाडी समय दिएको खण्डमा अझ भब्य आयोजना गर्न सक्छौ भन्ने लागेको छ ।’
![](https://scontent.fktm7-1.fna.fbcdn.net/v/t1.15752-9/89274263_770106566848657_7251420343577870336_n.png?_nc_cat=110&_nc_sid=b96e70&_nc_ohc=32LVSgjOfskAX88D8kd&_nc_ht=scontent.fktm7-1.fna&oh=dedfbb693eef62f2113b11324e931488&oe=5E9541A8)