वुल्भ्ससँग टोटनहम स्तब्ध

एजेन्सी । इन्ग्लिश प्रिमियर लिग फुटबलमा टोटनहम पराजित भएको छ ।

आइतबार राति भएको खेलमा टोटनहम घरेलु मैदानमा वुल्भ्ससँग ३-२ गोल अन्तरले पराजित भएको हो ।

वुल्भ्सको जितमा माट दोहेर्टी, डिएगो जोटा र राउल जेमिनिजले एक एक गोल गरे ।

टोटनहमका स्टेभेन बेर्ग्विजन र सेर्गे औरिएरले एक एक गोल फर्काए ।

खेलमा सुरुवाती अग्रता जोगाउन नसक्दा टाेटनहम पराजित भएको हो ।

खेलको १३ औं मिनेटमा स्टेभेनले गोल गर्दै टोटनहमलाई अग्रता दिलाएका थिए । २७ औं मिनेटमा माटले गोल गर्दै वुल्भ्सलाई १-१ गोलको बराबरीमा ल्याए ।

४५ औं मिनेटमा सेर्गेले गोल गर्दा घरेलु टिम पुन: २-१ ले अघि रह्यो । ५७ औं मिनेटमा जोटाले गोल गर्दै वुल्भ्सलाई २-२ गोलको बराबरीमा ल्याए ।

त्यसपछि खेलको ७३ औं मिनेटमा जेमिनिजले गोल गर्दै वुल्भ्सलाई ३-२ को जित दिलाए ।

जितसँगै वुल्भ्सले २८ खेलबाट ४२ अंक जोडेको छ । र, वुल्भ्स लिगको छैटौं स्थानमा उक्लिएको छ ।

लिगमा ४० अंक जोडेको टोटनहम सातौं स्थानमा रहेको छ ।