एभर्टनसँग युनाइटेडको बराबरी

एजेन्सी । इन्ग्लिश प्रिमियर लिग फुटबलमा म्यानचेस्टर युनाइटेड बराबरीमा रोकिएको छ ।

आइतबार राति भएको खेलमा युनाइटेड एभर्टनसँग १-१ गोलको बराबरीमा रोकिएको हो ।

एभर्टनको मैदानमा एक गोलले पछि परेपनि युनाइटेडले बराबरी खेलेको हो ।

खेलको तेस्रो मिनेटमा डोमिनिक लेविनले गोल गर्दै एभर्टनलाई १-० को अग्रता दिलाएका थिए । तर, खेलको ३१ औं मिनेटमा ब्रुनो फर्नान्डेजले गोल गर्दै युनाइटेडलाई हारबाट जोगाए ।

खेलको इन्जुरी समयमा लेविनले गोल गरेपनि भीएआरले अफसाइड देखाउँदा एभर्टन जित निकाल्नबाट बन्चित भयो ।

यस्तै खेल सकिएपछि रेफ्रीले एभर्टनका प्रशिक्षक कार्लो एन्सोलोटीलाई रातो कार्ड देखाएका थिए । रेफ्रीसँग अपशब्द बोलेपछि उनलाई रातो कार्ड देखाईएको थियो ।  

एभर्टनसँगको बराबरीसँगै युनाइटेडले २८ खेलबाट ४२ अंक जोडेको छ । युनाइटेड पाँचौं स्थानमा रहेको छ ।

एभर्टन ३७ अंक जोडेर ११ औं स्थानमा रहेको छ ।