मिलानको जितमा रेबिकको निर्णायक गोल

एजेन्सी । इटालियन सिरी 'ए' फुटबलमा एसी मिलानले संघर्षपूर्ण जित निकालेको छ ।

सोमबार राति भएको खेलमा मिलानले टोरिनोलाई १-० गोल अन्तरले पराजित गरेको हो ।

घरेलु मैदानमा मिलानलाई जित दिलाउन एन्टी रेबिकले निर्णायक गोल गरे । उनले खेलको २५ औं मिनेटमा गोल गरेका थिए ।

जितसँगै मिलानले २४ खेलमा ३५ अंक जोडेको छ । र, मिलान लिगको आठौं स्थानमा उक्लिएको छ ।

२७ अंक जोडेको टोरिनो १४ औं स्थानमा रहेको छ ।