सेमिफाइनलको पहिलो लेगमा इन्टर पराजित

एजेन्सी । कोपा इटालिया अन्तर्गत सेमिफाइनलको पहिलो लेगमा नापोलीले इन्टर मिलानलाई पराजित गरेको छ ।

बुधबार राति भएको सेमिफाइनलको पहिलो लेगमा नापोलीले इन्टरलाई १-० गोल अन्तरले पराजित गरेको हो ।

इन्टरको घरेलु मैदानमा भएको खेलमा नापोलीलाई जित दिलाउन फाबियन रुइजले निर्णायक गोल गरे । उनले खेलको ५७ औं मिनेटमा गोल गरेका थिए ।

जितसँगै नापोलीले फाइनल प्रवेशको बलियो सम्भावना बनाएको छ । अब दोस्रो लेग नापोलीको मैदानमा मार्च ५ मा हुनेछ ।

नापोलीलाई दोस्रो लेगमा बराबरीले पुग्नेछ भने इन्टरलाई जितको विकल्प छैन । घरेलु मैदानमा हुने कारण नापोलीलाई थप फाइदा हुनेछ ।