वायर्नको बराबरी

एजेन्सी । जर्मन बुन्डेस लिगा फुटबलमा साविक विजेता वायर्न म्युनिख बराबरीमा रोकिएको छ ।

आइतबार राति भएको खेलमा वायर्न आरबी लिपजिगसँग गोलरहित बराबरीमा रोकिएको हो ।

घरेलु मैदानमा बल पोजिसनमा पकड जमाएपछि वायर्नले गोल गर्न सकेन । यस्तै लिपजिगले पनि पाएको अवसरमा गोल गर्न सकेनन् ।

वायर्नको यो लिगमा चौंथो बराबरी हो । बराबरीसँगै शीर्ष स्थानको वायर्नले २१ खेलमा ४३ अंक जोडेको छ ।

यस्तै लिपजिग ४२ अंकसहित दोस्रो स्थानमा रहेको छ ।