काठमाडौं । श्रीलंकाकाे पुरुष भलिबल टिम १३ औं दक्षिण एसियाली खेलकुद प्रतियोगिता (साग)को सेमिफाईनलमा प्रवेश गरेको छ ।
शुक्रबार भएको खेलमा श्रीलंकाले माल्दिभ्सलाई ३–० को सोझो सेटमा हराएको हो ।
श्रीलंकाले माल्दिभ्सलाई २५–१८, २५–२३ र २५–१७ को सेटमा हरायाे ।
समूह बीमा रहेको माल्दिभ्स लगातार दोस्रो हार ब्यहोर्दै प्रतियोगिताबाट बाहिरिएको छ ।
श्रीलंका र पाकिस्तान भने सेमिफाईलन प्रवेश गरेका छन् ।
पाकिस्तानले पहिलो खेलमा माल्दिभ्सलाई हराएको थियो । पाकिस्तानले समेत माल्दिभ्सविरुद्व ३–० को सोझो सेटको जित निकालेको थियो ।
अब समूह विजेताका लागि श्रीलंका र पाकिस्तानले प्रतिस्पर्धा गर्नेछन् ।
