पाकिस्तान नआउँदा माल्दिभ्सलाई 'वाक ओभर'

काठमाडौं । १३ औं दक्षिण एसियाली खेलकुद (साग) अन्तर्गत महिला भलिबलमा माल्दिभ्सले पाकिस्तानबाट वाक ओभर पाएको छ ।

त्रिपुरेश्वरस्थित राखेप कभर्डहलमा बुधबार सुरु महिला भलिबलको दोस्रो खेलमा पाकिस्तान र माल्दिभ्सबीच खेल हुने तय भएको थियो ।

तर, पाकिस्तानको महिला टिम नआएपछि माल्दिभ्सले अंक पाएको छ ।

पाकिस्तानबाट वाक ओभर पाएसँगै समूह 'बी' को माल्दिभ्सले २ अंक जोडेको छ ।

यस अघि पहिलो खेलमा नेपालले बंगलादेशलाई ३-० को सेटमा हराएर शानदार सुरुवात गरिसकेको छ ।