राष्ट्रिय टिममा उषाको डेब्यु

काठमाडौं । ओपन स्पाइकर उषा भण्डारीले नेपाली राष्ट्रिय महिला भलिबल टिममा डेब्यु गरेकी छिन् ।

१३ औं दक्षिण एसियाली खेलकुद (साग) अन्तर्गत राखेप कभर्ड हलमा बुधबार बंगलादेशविरुद्धको खेलमा कोर्टमा उत्रदै उषाले राष्ट्रिय टिममा डेब्यु गरेकी हुन् ।

१६ वर्षीय उषा दोस्रो सेटमा प्रतिभा मालीको स्थानमा कोर्ट प्रवेश गरेकी थिइन् ।

नेपाल पुलिस क्लबकी उषा सागका लागि पहिलो पटक राष्ट्रिय टिममा परेकी थिइन् ।

उषा राष्ट्रिय टिमकी कान्छी खेलाडी समेत हुन् ।

यस्तै हिरा केसीले समेत नेपाली टिममा डेब्यु गरेकी छिन् ।