साग खेल्ने भलिबल टिमलाई खेल पोशाक सहयोग

काठमाडौं । नेपालमा आयोजना हुने १३ औं दक्षिण एसियाली खेलकुद (साग) मा सहभागी हुने नेपालको राष्ट्रिय भलिबल टिमलाई हेल्प नेपाल सर्पाेट्स क्लबले खेल पोशाक सहयोग गरेको छ ।

क्लबले बुधबार महिला र पुरुष दुवै टोलीलाई साँढे ३ लाख बराबरको ट्रयाकसुट प्रदान गरेको छ । क्लबका अध्यक्ष बासु श्रेष्ठ र महासचिव अरुण श्रेष्ठले खेलाडीलाई ट्रयाकसुट प्रदान गरे ।

नेपाली टिमलाई हौसला प्रदान गर्न खेल पोशाक सहयोग गरेको क्लबले जनाएको छ ।

साग अन्तर्गत पुरुष र महिला दुवै भलिबल आजबाट सुरु हुँदैछ ।

नेपालको दुवै टोलीले आज बंगलादेशसँग खेल्दैछ ।

नेपाली महिला टिमले बंगलादेशसँग अपरान्ह ३ बजे खेल्नेछ । पुरुष भलिबल टिमले साँझ ७ बजे बंगलादेशसँग नै प्रतिस्पर्धा गर्नेछ ।